مجھے ایک افرنگی دانا کے بہت سے ایسے راز یاد ہیں ، جو وہ ہست و نیست کے بارے میں بیان کرتا تھا۔ لیکن میں تجھے (ان کی بجائے ) عجم کے ایک پیر مرد (مولانا روم) کے وہ دو حرف سناتا ہوں جو اس نے مجھ سے کہے تھے۔

سن! اے چند نامحرموں کے مارے ہوئے (فرنگی پرو فیسروں کو اسرار جان سے نامحرم کہا ہے) ، تو نے (مغربی تعلیم کے ذریعہ) اپنے ایک دل کے لیے سینکڑوں تفکرات خرید لیے ہیں۔ کسی اللہ والے کے پاس چند لمحے بیٹھنا، ظاہری علوم کے ماہرین کی نکتہ آفرینیاں سنانے سے کہیں بہتر ہے۔