سلطان شہید کی باتیں سن کر میرے صبر و سکون کا شیشہ پاش پاش ہو گیا؛ مگر پیر رومی نے کہا ، اٹھ (اب یہاں سے چلیں)۔

آہ سلطان شہید کی وہ شوق کی باتیں اور ان کا وہ جذب و یقین ، وہ ایوان اور وہ شاندار محل۔

میں دل پر خوں کے ساتھ ، اندر سے نکل کر دروازے پر آیا اور وہاں حوران بہشتی کا ایک ہجوم دیکھا۔

وہ پکار رہی تھیں اے زندہ رود ، اے زندہ رود اے صاحب سوز و سرود۔

دائیں اور بائیں جانب سے شور و غوغا اٹھ رہا تھا کہ اے زندہ رود ہمارے پاس ایک لمحے بیٹھ جا۔

وہ مسافر جو سفر کی لذت جانتا ہے، وہ رہزن سے اتنا نہیں ڈرتا جتنا منزل سے ڈرتا ہے۔

عشق ہجر و وصال میں آسودگی نہیں پاتا؛ اسے صرف اللہ تعالے کے جمال لا یزال (وصل مدام) سے آسودگی ملتی ہے۔

عشق کی ابتدا حسن مجاز میں گرفتار ہے؛ اور اس کی انتہا ان حسینوں سے آزاد ہو جاتا ہے۔

عشق بے نیاز ہے اور مکان و لامکان دونوں میں ہر دم سفر ہے۔

ہمارا مسلک موج تیز گام کی مانند راستہ اختیار کرنا اور مقام ترک کرنا ہے۔

تیرے انداز زمانے کی مانند ہیں؛ کم از کم ایک اچھی غزل ہی سنا جا۔