آپ کی جستجو میں جو لذت ملتی ہے وہی سوز و گداز زندگی ہے؛ اگر میں آپ کی طرف سفر نہ کروں تو راستہ مجھے سانپ کی طرح ڈستا ہے۔

جبریل امین (علیہ) اپنا سینہ کھولے ہوئے عاشقوں کے پاس سے گذرتے ہیں ؛ تاکہ انہیں بھی آپ کی محبت کی چنگاری میسّر آ جائے۔

کبھی تو میں آپ کے جلوہ کے شوق میں سارے حجاب پارہ پارہ کر دیتا ہوں؛ اور کبھی خود ہی اپنی نگاہ نا رسا سے آپ کے چہرے پر پردہ کھینچ لیتا ہوں۔

میں آپ کی تلاش میں نکلوں یا اپنی تلاش میں ؛ عقل ، دل اور نظر سب آپ کی گلی میں گم ہو چکے ہیں۔

میں آپ ہی کے چمن کا پودا ہوں، مجھے قطرہ ء شبنم عطا فرمائیے ؛ اس سے میرے غنچے کا دل کھل جائے گا اور آپ کی ندی میں کچھ کمی واقع نہیں ہو گی۔