تجھے دنیا میں کوئی ایسا دوست نہیں ملے گا جو دلنوازی جانتا ہو؛ اس لیے عشق کی آبرو بچا اور اپنے آپ میں گم ہو جا۔

مجھے خلق سے کہا ہے کہ اگرچہ اسے اپنی اظہار ذات کا بہت شوق ہے، تاہم اس نے مجھ سے وہ شیوہ ہا پوشیدہ رکھے ہیں جن سے میں ان کے جمال کو پوری طرح دیکھ سکوں ۔ (انسان کو راز جو بنایا ، راز اس کی نگاہ سے چھپایا۔

ایاز کے بغیر اور کوئی یہ نازک نکتہ نہیں جانتا، کہ حاکم کی مہربانی درد غلامی کو اور بڑھا دیتی ہے۔

میں اس علم و دانش کو پرکاہ کے برابر نہیں سمجھتا، جو مرد غازی کو تیغ و سپر سے بیگانہ کر دے (جہاد کا شوق ختم کر دے)۔

یہ سا مان (جہاد کا شوق ) تو جس قیمت پر بھی خرید لے ، نفع آور ہے، (بے شک) ادراک رازی کو قوّت حیدری کے عوظ دے دے۔

اگر تیرے اندر ایک قطرہ ء خوں ہے، اگر تو مشت بھر پر رکھتا ہے، تو آ میں تجھے شاہبازی کا طریقہ سکھاؤں۔

اگر تو اس کار (نے نوازی) کو صرف پھونک کی کارفرمائی سمجھتا ہے تو بہت نادان ہے، نے نوازی کے لیے سینے کے اندر دم شمشیر کی ضرورت ہے۔