میں شرر کی مانند ذرّہ میں آگ لگا کر اسے اڑنے کے لیے پر مہیا کرتا ہوں،

میری آواز کا سوز دیکھ ، میں الماس کے ٹکڑے کو قطرہ ء شبنم بنا کر ٹپکا دیتا ہوں۔

جب میں اپنے مقام سے نغمہ ء شیریں آلاپتا ہوں ؛ تو نصف شب ہی کو صبح کے انداز عطا کر دیتا ہوں۔

میں یوسف گم گشتہ کو پھر سامنے لے آیا ہوں، تاکہ کم متاع لوگوں کے اندر اس کی خریداری کا شوق پیدا ہو۔

خود فراموش مسلمانوں کی خاک کو عشق صبر آزما نے چشم تر دی اور میں نے انہیں لذّت دید دی ہے (مجھ سے پہلے مسلمان اپنے حالات پر فقط آنسو بہاتے تھے ، میں نے انہیں نئے روشن مستقبل کی راہ دیکھائی ہے)۔