اگر تجھ پر اس طرح نظر پڑے کہ تو میرے روبرو اور میرا چہرہ تیرے چہرے کے سامنے ہم؛ تو میں تیرے عشق کا غم نقطہ بہ نقطہ اور مو بہ مو یعنی پوری وضاحت سے بیان کروں۔

تیرا چہرہ دیکھنے کے لیے میں صبا کی مانند خانہ بخانہ ، در بدر، کوچہ بکوچہ اور گلی بگلی پھرا ہوں۔

تیرے فراق میں میری دونوں آنکھوں سے خون دل دجلہ دجلہ، سمندر سمندر، چشمہ چشمہ اور ندی ندی بہہ رہا ہے۔

میرے دل حزیں نے تیری محبت کو اپنی جان کی ایک ایک رگ، ایک ایک نخ ، ایک ایک تار ، ایک ایک پور پر بن لیا ہے۔

طاہرہ نے اپنے دل کے اندر نظر ڈالی، مگر دل کے صفحہ صفحہ ، ورق ورق، پردہ پردہ اور تہ در تہ تیرے سوا اور کوئی نظر نہیں آتا۔

ان عاشقان دردمند کے سوز و ساز نے میری جان کے اندر نیا سوز برپا کر دیا۔

پرانی مشکلات نے اپنا سر باہر نکالا اور میری سوچ پر شبخون مارا۔

میرے فکر کا سمندر سراپا اضطراب بن گیا؛ اور طوفان کے زور سے اس کا ساحل ٹوٹ پھوٹ گیا۔

رومی نے کہا، تو جو اپنی ہر مشکل کی کشود چاہتا ہے، وقت نہ گنوا۔

تو کب تک اپنے افکار میں اسیر رہے گا؛ اس قیمت کو اپنے ضمیر سے باہر نکال پھینک۔