میں نے رومی سے پوچھا یہ لعل ناب کا محل جو آفتاب سے بھی زیادہ چمک دمک رکھتا ہے۔

یہ مقام، یہ منزل، یہ بلند محل جہاں حوریں موءدب کھڑی ہیں

آپ رہرووں کو ذوق جستجو عطا کرتے ہیں ؛ مجھے بتائیے کہ اس کا مالک کون ہے؟

رومی نے کہا 'یہ شرف النسا کا محل ہے، اس کے بام کے پرندے فرشتوں کے ہمنوا ہیں۔

ہمارے سمندر سے اس قسم کا کوئی اور موتی پیدا نہیں ہوا ، کسی ماں کی کوکھ سے ایسی بیٹی نے جنم نہیں لیا۔

اس کے مزار کی وجہ سے لاہور کی سر زمین نے آسمان کا رتبہ پایا ہے۔دنیا میں کوئی شخص اس کے راز کو نہیں سمجھا۔

یہ خاتون سراپا ذوق و شوق اور درد و داغ تھی ، اس دور کے پنجاب کے گورنر کی بیٹی تھی۔

اس سے عبد الصمد کے خاندان کی عزت افزائی ہوئی؛ اس نے ایسا نقش چھوڑا جو ابد تک رہے گا۔

چونکہ اس کا وجود قرآن پاک سے سوز حاصل کرتا تھا ، وہ ہر لمحہ تلاوت میں مشغول رہتی تھی۔

کمر میں دو دھاری تلوار اور ہاتھ میں قرآن ، تن بدن ہوش و حواس اللہ مست۔

خلوت، شمشیر، قرآن پاک اور نماز ، مبارک ہے وہ عمر جو اس طرح کی نیاز مندی میں گزر گئی۔

جب اس کے لبوں پر آخری سانس تھا تو اس نے اپنی والدہ کی طرف دیکھا اور مشتاقانہ دیکھا۔

شرف النسا نے کہا اگر آپ میری زندگی کا راز جاننا چاہتی ہیں تو میری تلوار اور قرآن پاک پر نگاہ ڈالیں۔

یہ دونوں قوّتیں ایک دوسری کی حفاظت کرتی ہیں، زندگی کی کائنات انہی دو کے گرد گھومتی ہے۔

اس جہان میں جہاں ہر شخص پر موت آتی ہے، یہ دو چیزیں تیری بیٹی کی محرم تھیں۔

اب آخری وقت آپ سے یہی گذارش ہے کہ تیغ و قرآن کو مجھ سے جدا نہ کیجئے گا۔

میری بات کو حرز جان بنا لیں؛ میری قبر گنبد و قندیل کے بغیر اچھی ہے۔

کے لیے قرآن کے ساتھ تلوار کافی ہے؛ ہماری تربت کے لیے بھی یہی سامان بہت ہے۔مومنوں

اس زرّیں قبے کے نبچے برسوں اس کے مزار پر شمشیر و قرآن رکھے رہے۔

اور اس طرح اس جہان بے ثبات کے اندر اس کا مرقد اہل حق کو زندگی کا پیغام دیتا رہا۔

یہانتک کہ مسلمانوں نے اپنے ساتھ کیا جو کچھ کیا؛ اور گردش دوراں نے ان کی بساط لپیٹ دی۔

سے ڈرنے لگے؛ شیر مولا نے لومڑی کا پیشہ اختیار کر لیا۔اللہ تعالے کے بندے غیر اللہ

مسلمان کے دل سے سیماب کی آب و تاب و اضطراب جاتا رہا ، تو خود جانتا ہے پھر پنجاب پر کیا گزری۔

سکھ اس کے مرقد پر سے قرآن پاک اور شمشیر اٹھا کر لے گئے اور پنجاب میں مسلمانی ختم ہو گئی۔