(اے اللہ ! تیرے برگزیدہ) بندے ہم بیدلوں کے دل چھین کر رخصت ہو گئے ، وہ شعلے کی طرح بجھے اور چلے گئے۔ آ، اب لمحہ بھر کے لیے ہم عامیوں کی صحبت اختیار کر ، خواص تو (تیری محبت کی) شراب سے لطف اندوز ہو کر چلے گئے ۔

میری ہستی و نیستی کے بارے میں باتیں ہو رہی تھیں؛ لیکن میں شرمندگی کے باعث (خاموش رہا)۔ تو زندہ مردوں کے سجدوں کو پہچانتا ہے؛ میرے کام کے معیار کا اندازہ میرے سجدوں سے کر لے (یعنی میرے سجدے بے ذوق اور کم قیمت ہیں۔

میرا دل دنیا کے مسائل حل کرنے میں مصروف ہے؛ (حالانکہ) اس کی نگاہ چاند اور ثریا سے بھی بلند ہے۔ ا سے دوزخ میں کوئی ویرانہ عطا کر؛ کیونکہ یہ کافر (دل) بہت تنہائی پسند واقع ہوا ہے۔

یہ کیا شور ہے جو میرے بدن میں برپا ہوا؛ ایک دل کے ہاتھوں عشق سینکڑوں مصیبتوں میں مبتلا ہو گیا۔ مجھ پر رحم کر کیونکہ میرا واسطہ دل سے آ پڑا ہے۔

کس نے جہان کو اپنے اندر سے پیدا کر دیا ہے؟ اس کا جمال کس کا جلوہ ء بے پردہ ہے؟ آپ مجھے کہتے ہیں کہ شیطان سے بچ کر رہ؛ یہ تو بتائیں کہ شیطان کس کا پروردہ ہے۔