موجودہ مسلمان فاقہ مست اور گدڑی پوش ہے، اس کی حالت دیکھ کر جبریل امین بھی فریاد کناں ہیں۔ آ کہ ہم نئی ملت کی بنیاد رکھیں، کیونکہ یہ ملت تو دنیا کے لیے بار دوش ہے۔

ایسی ملت جو کچھ کر کے دکھائے ، ایسی ملت جو زہر سے تریاق حاصل کرے (مشکلات سے نئی زندگی پائے)۔ جو ایک جہان پر اکتفا نہ کرے، بلکہ دونوں جہانوں کو اپنے کندھوں پر اٹھائے۔

وہ قوم جس کا ورد لاالہ ، رات کے اندر سے اپنی صبح پیدا کر لے ۔ آفتاب بھی اس کی منزل کو پہچانے، اور اس کی راہ سے کہکشاں کی ریت صاف کر دے۔