اے قافلہ سالار ! یہ عجمی کون ہے، (اقبال اپنی طرف اشارہ کرتے ہیں)، کہ جس کے نغموں کی لے عربی آہنگ سے مطابقت نہیں رکھتی۔ اس نے ایسا نغمہ گایا ہے جس کی سیرابی سے صحرا میں بھی دل کی ٹھنڈک سے زندگی بسر کی جا سکتی ہے۔

اس کے بدن میں کیسی آگ پوشیدہ ہے، کہ عشق و مستی کا مقام ہی اس کی منزل ہے۔ اس کا نغمہ ہر دل سے موافقت رکھتا ہے ، کیونکہ ہر سینے میں اسی کے دل کا ٹکڑا ہے (منزل مستقل چیز ہے، اس کے راستہ میں کئی مقام آتے ہیں)۔