کبود: نیلا۔

فسانہ: خیالی کہانی۔ جادہ: راستہ۔ رحیل: سفر۔ افسوں: جادو۔

٭ مراد ہے سر سید احمد اور جسٹس محمود جو سر سید کے بیٹے تھے۔

مرگ ناگہاں: اچانک موت۔ متاع گراں بہا: بیش قیمت دولت۔

فغان مرغ سحر خواں: صبح کو بولنے والے پرندے کی فریاد۔ سرود: گانا۔

کشود: کھولنا، حل۔ چارہ: علاج

وہ دل جو عاشق بھی ہو اور غم عشق میں صبر کر سکتا ہو وہ پتھر تو ہو سکتا ہے، دل نہیں؛ کیونکہ عشق اور صبر کے بیچ ہزار کوس کا فاصلہ ہے۔

عمر گریز پا: تیزی سے گذرنے والی زندگی۔ سیمیا: جادو۔ نیرنگ: شعبدہ بازی۔

مستور: چھپا ہوا۔ غیبت صغری: عارصی طور پر چھپنا ؛ یہ ایک مذہبی اصطلاح ہے۔

اعجاز: معجزہ دکھانا۔ آب و گل:پانی اور مٹی۔

ا الہ الا ھو: اللہ کے سوا کوئی معبود نہیں۔ سیح: حضرت عیسی (علیہ)۔ چلیپا: سولی۔ میخ: لمبی کیل۔

قصاص: خون کا بدلہ۔ خون تمنا: آرزو کا خون۔ خوں بہا: خون کی قیمت۔

اس کا غم مت کرو کہ ہم جہان کی قید اور پابندیوں میں گرفتار ہیں؛ وہ دل جو اللہ تعالے نے ہمارے جسم خاکی کے اندر رکھا ہے اگر ذوق جمال سے باطنی طور پر ہر شے کو دیکھنے والا بن جائے تو یہ جادو ٹوٹ جاتا ہے ( اور موت و حیات ، جسم و روح ، عقل و عشق، قلب و نظر کے تمام معمے حل ہو جاتے ہیں۔

بے کرانہ: جس کا کنارہ نہ ہو۔ مضطر: بیقرار۔

مانند کاہ پیش نسیم: گھاس کا تنکا جو ہلکی سی ہوا میں بھی اڑ جاتا ہے۔ جملہ موجودات: وہ سب کچھ جو کائنات میں موجود ہے۔

تجلی: جلوہ۔ تلافی مافات: کوئی چیز جو فوت ہو گئی اور اس کی جگہ اس جیسی کسی دوسری چیز نے لے لی ہو؛ نقصان کا عوض۔

ورائے سپہر: آسمان سے آگے۔ ثریا: وہ چھ ستارے جو ایک ساتھ ایک خاص ترتیب میں نظر آتے ہیں۔

ذات: اللہ تعالے کی منزل ، وہ مقام الوہیت جو انسانی عقل سے ماورا ہے۔ حریم لحد: قبر۔ تیرہ خاک: مراد ہے انسان۔ جلوہ گاہ صفات: اللہ کی صفات کی جلوہ گاہ۔

وہ لوگ جو خود آگاہ ہیں جنہوں نے اللہ اور رسول (صلعم) کے بعد معرفت حاصل کر لی وہ اس مٹی کی دنیا سے باہر نکل گئے ہیں؛ انہوں نے سورج ، آسمان اور ستارے کا جادو توڑ دیا ہے۔