کتب خانہء گل: باغ کو پھولوں کی کتابوں کے گھر سے تشبیح دی ہے۔

متانت: سنجیدگی۔ پیرک اندرابی: اندراب وسط ایشیا میں بلخ کے پاس ایک قصبہ ہے جہاں کے کچھ لوگ ہجرت کر کے کشمیر میں آباد ہوئے۔ یہ لوگ علم و ادب اور حسب و نسب کے اعتبار سے ممتاز جانے جاتے ہیں۔

لالہ آتشیں: سرخ لباس پہنے ہوئے لالہ کا پھول۔ اسرار جاں: زندگی کا بھید۔ بے حجابی: بے پردگی ؛ مراد ہے زندگی کے ھید کا ظاہر ہو جانا۔

خواب لحد: قبر کی نیند۔ نہاں: چھپی ہوئی۔

زندگی اپنی آگ میں تڑپنے کا نام ہے ، مبارک ہو تیرے ل یے وہ لمحہ جب تو اس باریک بات کو پھر سے سمجھ لے؛ مراد ہے اپنے اندر عشق کا جذبہ پیدا کر۔

اگر تو دل کی آگ سے ایک چنگاری حاصل کر لے یعنی اپنے اندر ایسا دل پیدا کر لے جس میں عشق کی آگ ہو اور اس آگ سے غیر اللہ کے خس و خاشاک کو جلا کر اپنے دل میں اللہ کو بسا لے تو میں یقین دلاتا ہوں کہ تو آسمان کے نیچے یعنی دنیا میں آفتاب طلوع کر سکتا ہے – خود بھی روشن ہو سکتا ہے اور اہل جہان کو بھی روشنی دے سکتا ہے۔