تیری عقل حیات کا حاصل ہے، تیرا عشق کائنات کا سرّ (راز) ہے؛ اے خاکی انسان! تیرا عالم چار سو سے اس طرف آنا مبارک۔

زہرہ، چاند اور مشتری تیری وجہ سے ایک دوسرے کا رقیب ہیں؛ تیری ایک نگاہ کی خاطر تجلّیات میں کشمکش ہے۔

راہ حق تعالے میں تازہ بتازہ اور نو بنو جلوے ہیں؛ شوق آرزو رکھنے والا شخص پرانے کلیات سے وابستہ نہیں رہتا۔

زندگی صدق و صفا ہے، زندگی ( خوب سے خوب تر کے لیے ) اپنی نشو و نما ہے؛ ازل سے ابد تک گھوڑا دوڑا، زندگی تیرے اپنے خدا کا ملک ہے۔

اپنے شوق غزل سرا کو ہائے و ہو کی اجازت دے ؛ ایک بار پھر رند و محتسب کو سبو بھر بھر کے شراب دے۔

شام و عراق و ہند و ایران (ساری دنیائے اسلام ) شیرینی کی عادی (عیش پرست) ہو چکی ہے ؛ شیرینی کے عادی لوگوں کو آرزو کی تلخی عطا کر ( ان میں آگے بڑھنے کا جذبہ پیدا کر)۔

ندی کے دل کو سیلاب تند و تیز کی لذت عطا کر؛ تا کہ وہ بلند موجوں والے سمندر سے معرکہ کی ابتدا کرے۔

مرد فقیر آگ ہے، میری و قیصری خس ہے؛ بادشاہوں کے فال و فر کو مٹنے کے لیے ایک حرف برہنہ کافی ہے۔

دبدبہ و قلندری سارے کا سارا جذبہء کلیم ہے؛ طنطنہء پادشاہی محض سحر سامری ہے۔

قلندر نگاہ سے (قلوب) فتح کرتا ہے، پادشاہ فوج سے کشت و خون کرتا ہے؛ قلندری صلح و آشتی سے عبارت ہے، پادشاہت کشت و خون پر مبنی ہے۔

دونوں فتوحات کرتے ہیں، دونوں دوام چاہتے ہیں ؛ یہ قاہری کے ذریعے، وہ دلبری کے ذریعے۔

ضرب قلندری پیدا کر (اور اس سے) سدّ سکندری توڑ ڈال؛ حضرت موسی (علیہ) کی روایت تازہ کر، سامری کی رونق ختم کر دے۔