مشرق و مغرب میں آدم کی تاریخ یہ بتاتی ہے کہ لڑائی جھگڑے کے سارے فتنے زمین کے لیے پیدا ہوئے۔

یہ ایک دلہن ہے اور ہم سب اس کے شوہر ؛ اور یہ صحرا ہم سب کے ساتھ بھی ہے اور ہمارے بغیر بھی۔

اس کے سارے ناز و ادا مکر و فن ہیں ؛ نہ یہ تیری ہے اور نہ میری۔

یہ پتھر اور روڑے تجھ سے موافقت نہیں رکھتے؛ یہ آبادی کے اسباب ہیں اور تو سفر میں ہے۔

خفتہ اور بیدار میں اختلاط کیسا ؟ مقیم کا مسافر سے کیا کام؟

نے زمین کو صرف ہماری متا‏ع فرمایا ہے؛ اور یہ بے بہا متا‏‏ع مفت ہے مفت۔اللہ تعالے

جاگیردار مجھ سے یہ نکتہ سمجھ، زمین سے رزق اور قبر حاصل کر، زمین پر قبضہ نہ کر۔

تیری اس کی صحبت کب تک، تو اس وقت بھی تھا جب وہ نہ تھی؛ تو وجود رکھتا ہے اور وہ محض نمود ہے اس کا کوئی وجود نہیں۔(جدید نظریہ کے مطابق مادہ صرف توانائی یا نور رہ گیا ہے۔)

تو عقاب ہے افلاک کی سیر کر؛ اپنے بال و پر کھول اور افلاک سے آزاد ہو۔

زمین اللہ تعالے کی ہے اس کے معنی ظاہر ہیں ؛ جو اس ظاہر کو نہیں دیکھتا وہ کافر ہے۔

میں نہیں کہتا کہ مکان و آبادی کو چھوڑ دے، یہ جہان رنگ و جو (دنیا ) تمہاری دولت ہے۔

زمین کی خاک سے دانوں کو موتیوں کی طرح چن لیکن شاہین کی مانند اس کے افلاک سے شکار کر۔

اپنا تیشہ اس کے کہسار پر چلا، اپنے اندر سے نور حاصل کر اور اس سے اس کی نار (مادیت) پر حملہ آور ہو۔

آزری کا طریقہ چھوڑ اور اپنے تصور کے مطابق نیا جہان تخلیق کر۔

اس جہان کے رنگ و بو محل و سرائے سے دل نہ لگا؛ دل اللہ تعالے کا حریم ہے اسے اس کے علاوہ کسی اور کے حوالے نہ کر۔

بے سر و سامانی کی حالت میں اور بغیر گور و کفن کے مرنا کیا ہے؟ سونے چاندی اور فرزند و زن میں محو ہو جانا۔

جس کسی نے ازبر کر لیا، اس نے گویا سارے جہان کو اپنے اندر سمو لیا۔

بھوکا، ننگا رہنا اور رقص کرنا، یہ فقر نہیں، فقر سلطانی ہے راہبانی نہیں۔