انسان نے اس نیلے سرا پردہ (آسمان ) کو پھاڑ ڈالا؛ مگر اسے آسمان کی پرلی طرف خدا نظر نہ آیا۔

آدم کے دل میں سوائے خیالات کے اور کیا ہے ؛ ایک خیال موج کی مانند سر اٹھاتا ہے، دوسرا بھاگ جاتا ہے۔

آدم کی روح کو اسی چیز سے قرار حاصل ہوتا ہے جو (حواس خمسہ) سے محسوس کر سکتا ہے؛ (چونکہ سائنس کا دار و مدار اسی پر ہے اس لیے) ہمیں خدایان باطل کا دور واپس آ جائے۔

افرنگ جس نے مشرق کو سمجھا ہے، یہی ہمیں ہماری قبروں سے باہر نکال لایا ہے – اے خدایان کہن اس وقت سے فائدہ اٹھاؤ۔

دیکھو وہ توحید کا حلقہ ٹوٹ چکا ہے؛ آل ابراہیم (علیہ) عشق الہی کا ذوق کھو چکی ہے۔

وہ مسلمان جو بادہء جبریل (علیہ) سے مست تھا اس کی محفل پراگندہ ہو چکی ہے اور اس کا جام ریزہ ریزہ ہو چکا ہے۔

وہ آزاد مرد اطراف کی بندشوں میں گرفتار ہو چکا ہے؛ اس نے وطنیت کو اپنا لیا ہے اور اللہ تعالے کو چھوڑ دیا ہے۔

بتخانہ ء مغرب نے اسے مرعوب کر دیا ہے؛ اس میں کوئی شک نہیں کہ پیر حرم نے زنّار باندھ لیا ہے – اے خدایان کہن اس وقت سے قائدہ اٹھاؤ۔

دنیا میں پھر (ہماری) خوشی کا دور واپس آیا؛ دین (اسلام) ملک و نسب سے شکست کھا گیا۔

اب چراغ مصطفے (صلعم) سے کیا اندیشہ؟ کیونکہ سینکڑوں بو لہب اسے بجھانے کے لیے پھونکیں مار رہے ہیں۔

اگرچہ لاالہ کی آواز آ رہی ہے، جب توحید دل سے نکل گئی تو زبان پر کب تک رہے گی۔

مغربیوں کے جادو نے سلطان کو زندہ کر دیا ہے؛ اللہ تعالے کا دن رات کے خوف سے زردی مائل ہے – اے خدایان کہن اس وقت سے فائدہ اٹھاؤ۔

ہمارا بندہ آزاد بندہ تھا، اس کی گردن کو دین کے پھندے سے رہائی دلانی چاہیے۔

چونکہ نماز اس کے لیے بوجھ بن چکی ہے اس لیے ہم خدایان باطل اس سے ایک رکعت چاہتے ہیں اور وہ بھی سجدے کے بغیر۔

جذبات تو راگ ہی سے بلند ہوتے ہیں ؛ جس نماز کے ساتھ راگ نہیں اس میں کیا لطف۔

وہ خدا جسے غیب میں رہنا پسند ہے؛ اس سے ایسا شیطان بہتر ہے جو سامنے نظر آئے – اے خدایان کہن اس وقت سے فائدہ اٹھاؤ۔