میں نے جو کچھ وہاں دیکھا وہ بیان میں نہیں آسکتا؛ اس کے خوف سے بدن پر بیہوشی طاری ہو جاتی ہے۔

دیکھتا کیا ہوں؟ ایک خونیں سمندر ہے جس کے اندر بھی طوفان اٹھ رہے ہیں اور باہر بھی۔

اس کی فضا میں ایسے سانپ تھے جن کے پھن رات کی طرح سیاہ اور بال و پر سیماب کی طرح تھے، نہنگوں کی طرح لہرا رہے تھے۔

اس کی موجیں چیتوں کی طرح چیرنے پھاڑنے والی تھیں، اس کے خوف سے نہنگ ساحلوں پر مردہ پڑے تھے۔

یہ بحر اپنے ساحل کو ایک لمحے کے لیے بھی سکون میں نہیں رہنے دیتا تھا کیونکہ اس خونیں سمندر کے اندر ہر وقت پہاڑوں کی چٹانیں گر رہی تھیں۔

خونیں موجیں آپس میں متلاطم تھیں اور ان کے درمیان ایک کشتی افتاں و خیزاں تھی۔

کشتی کے اندر دو مرد بیٹھے ہوئے تھے جن کے چہرے زرد، بدن عریاں اور بال پراگندہ تھے۔