میں اس بہانہ سے اس بزم میں اپنا محرم (راز) تلاش کرتا ہوں ، غزل گاتا ہوں اور دوست (اللہ تعالے) کا پیغام پہنچاتا ہوں (جو محرم راز ہوتا ہے، وہ اس پیغام کو سمجھ جاتا ہے)۔

خلوت میں جہاں گفتگو بھی حجاب بن جاتا ہے، میں اپنے دل کی بات نگاہ کی زبان سے ادا کرتا ہوں،

تیرے چہرے کا نظارہ کرنے کے لیے اپنی نگاہ شوق کو آنسوؤں کی ندی میں دھو کر پاک کرتا ہوں۔

اگرچہ میرے کام میں غنچہ کی مانند گرہ ڈال دی گئی ہے، مگر میں (پھر بھی) آفتاب کی جلوہ گاہ کے شوق میں آگے ہی بڑھتا جا رہا ہوں۔

موج کی مانند طوفان بے پروا ہی میرے وجود کا سامان ہے، یہ گمان نہ کر کہ میں اس بحر میں ساحل کا متلاشی ہوں۔

میرے اور اس (اللہ تعالے) کے درمیان آنکھ اور نظر کا سا تعلق ہے، کہ اس سے بہت دور ہونے کے باوجود بھی میں ہمیشہ اس کے ساتھ ہوں۔

میں ایک شعبدہ باز (زمانہ) کے ہاتھ سے جادو میں گرفتار ہوں، اس نے میری آنکھ کے پردے پر اس جہان کا نقش بنا دیا ہے۔

میں اس کہنہ آسمان کے پہلو میں خار کی طرح کھٹکتا ہوں ، کیونکہ میں اس کے بند گنبد میں اس کے بند گنبد میں سماتا نہیں۔

لذت پرواز مجھے آشیانے میں نہیں بیٹھنے دیتی، ابھی میں شاخ گل پر ہوتا ہوں اور کبھی ندی کے کنارے۔