میں صورت کی پرستش نہیں کرتا، میں نے یہ بتخانہ مسمار کر دیا ہے؛ میں تیز رو سیلاب ہوں جس نے سارے بند توڑ دیے ہیں۔

سوچ اس گمان میں تھی کہ میں ہوں یا نہیں ہوں؛ عشق سے یہ نکتہ ظاہر ہوا کہ میں موجود ہوں۔

کبھی میں دیر میں عجز و نیاز اختیار کرتا ہوں اور کعبہ میں نماز پڑھتا ہوں؛ کبھی میرے کندھے پر زنّار ہوتا ہے اور کبھی میرے ہاتھ میں تسبیح۔

تیرے درد (محبت ) کے سرمائے کو ضائع نہیں کیا جا سکتا ؛ ول آنسو جو میرے دل سے اٹھا ہے اسے میں اپنی آنکھوں میں سمو لیتا ہوں۔

میں گفتگو میں فرزانہ ہوں اور کام کرتے وقت دیوانہ ہوں؛ آپ کے شوق (محبت) کی شراب نے مجھے بیک وقت ہوشیار اور مست بنا دیا ہے۔