میں تیر و سناں اور خنجر و شمشیر کی آرزو رکھتا ہوں؛ میرے ساتھ نہ آ کہ میں مسلک شبیر (رضی اللہ ) (شہادت ) کا جویا ہوں۔

پہلے آشیانے کے لیے میرا تنکے اکٹھے کرنا دیکھ؛ پھر یہ دیکھ کہ میں ایسے شعلے کی آرزو رکھتا ہوں جو اسے جلا کر راکھ کر دے۔

کہنے لگے : لب بند رکھ اور ہمارے اسرار ظاہر نہ کر۔ میں نے کہا: نہیں، میں تو نعرہء تکبیر بلند کرنا چاہتا ہوں۔

کہنے لگے : جو جی چاہے ہم سے مانگ ۔ میں نے کہا: اپنی تقدیر کو بے حجاب دیکھنا چاہتا ہوں۔

میں اپنی زندگی کے بارے میں صرف اتنا جانتا ہوں ؛ کہ بھولا ہوا خواب ہوں اور خواب کی تعبیر جاننے کا خواہشمند ہوں۔

کہاں ہے وہ نگاہ ناز جس نے پہلے پہل مجھ سے میرا دل لیا تھا؛ تیری عمر دراز ہو مجھے پھر اسی تیر (نگاہ) کی آرزو ہے۔