حضرت مریم (علیہ) ایک نسبت سے محترم ہیں ؛ سیدہ فاطمة (رضی اللہ) تین نسبتوں سے محترم ہیں۔

ایک یہ کہ وہ جناب رسول پاک (صلعم) جو اوّلین اور آخرین تھے، کی صاحبزادی ہیں۔

آپ (صلعم) نے زمانے کے پیکر میں نئی روح پھونک دی؛ اور ایک ایسا دور وجود میں لائے جس کا آئین تازہ و جدید ہے۔

جو سیدنا علی المرتضی (رضی اللہ) کی زوجہ محترمہ تھیں۔آپ (رضی اللہ) سورہ الدہر جو ہل اتی سے شروع ہوتی ہے کی آیہ (8) کے مصداق تھے، سیدنا علی (رضی اللہ) کا لقب مشکل کشا اور شیر خدا ہے۔

وہ بادشاہ تھے مگر حجرہ ان کا محل تھا؛ اور ان کا سارا سامان ایک تلوار اور ایک زرہ پر مشتمل تھا۔

ان کی تیسری نسبت یہ ہے کہ وہ سیدنا حسین (رضی اللہ) کی والدہ تھیں جو پرکار عشق کے مرکز اور کاروان عشق کے سالار تھے۔

آپ سیدنا حسین (رضی اللہ) کی بھی والدہ تھیں جو شبستان حرم کی شمع تھے، اور جنہوں نے خیر الامم (امت مسلمہ) کے اتحاد کی حفاظت فرمائی۔

انہوں نے حکومت کو ٹھکرا دیا تاکہ امت مسلمہ کے اندر سے خانہ جنگی اور دشمنی کی آگ ختم ہو جائے۔

اور وہ دوسرے بھائی دنیا کے نیکوں کو آقا اور احرار کے لیے قوّت بازو تھے۔

سیدنا حسین (رضی اللہ) کے اسوہ سے نوائے زندگی میں سوز پیدا ہوا اور اہل حق نے آپ سے حریّت کا درس لیا۔

مائیں بیٹوں کی سیرت کردار بناتی ہیں اور انہیں صدق و صفا کا جوہر عطا کرتی ہیں۔

سیدنا فاطمہ (رضی اللہ) تسلیم و رضا کی کھیتی کا حاصل اور ماؤں کے لیے اسوہ کاملہ ہیں۔

ایک مسکین کے لیے آپ (رضی اللہ) کا دل اس طرح تڑپا کہ اپنی چادر یہودی کے پاس فروخت کر کے (اس کی مدد کی)۔

نوری اور آتشے سب آپ (رضی اللہ) کے فرمانبردار تھے؛ آپ (رضی اللہ) نے اپنی رضا میں گم کر دیا تھا۔

آپ (رضی اللہ) نے صبر و رضا کی ادب گاہ میں پرورش پائی تھی؛ ہاتھ چکّی پیستے اور لبوں پر قرآن پاک کی تلاوت ہوتی تھی۔

آپ (رضی اللہ) کے آنسو تکیے پر کبھی نہ گرے (آپ (رضی اللہ) نے تنگیء حالات پر کبھی آنسو نہ بہائے) البتہ نماز کے دوران آپ (رضی اللہ) کے آنسو موتیوں کی طرح ٹپکتے تھے۔

جبریل امین (علیہ) آپ (رضی اللہ) آنسو سمیٹ لیتے اور انہیں عرش بریں پر شبنم کی طرح ٹپکاتے۔

شریعت حقہ کے احکام میرے پاؤں کی زنجیر بنے ہوئے ہیں ؛ مجھے جناب مصطفے (صلعم) کے فرمان کا پاس ہے۔

ورنہ میں سیدہ فاطمہ (رضی اللہ) کی تربت کے گرد طواف کرتا اور ان کی قبر پر سجدہ ریز ہوتا۔