ہماری دیدہء تر نے ہمارے گریباں پر ستارے گرائے ہیں؛ ہمارے آنسوؤں نے ہمارے اندر جو ذوق نظر پیدا کیا ہے وہ ہمیں آسمان سے زیادہ بلندی پر لے گیا۔

اگرچہ ہم اہل زمیں ہیں، لیکن مرتبہ ثرّیا سے بلند تر ہے؛ آپ جانتے ہیں کہ شرر کی طرح کی چند روزہ زندگی ہماری شان کے شایاں نہیں۔

شام و سحر تو ہماری گردش سے پیدا ہوتے ہیں ؛ اس لیے یہ شام و سحر ہمیں کیسے موافق آ سکتے ہیں۔

یہ شیشہ ء گردوں تو ہم خالی کر چکے ہیں؛ تکلف سے کام نہ لیں؛ ہمیں ایک اور مینا عطا فرما دیں۔

دونوں جہان کی وسعت بھی ہمارے جنون کی شان کے شایاں نہیں؛ یہ بھی ہمارا راستہ ہے وہ بھی ہمارا راستہ (منزل آگے ہے)۔