مشرق کہ جس کے تخّیل کی کمند میں آسمان ہے؛ وہ اپنے آپ سے دور اور سوز آرزو (شوق) سے بیگانہ ہو چکا ہے۔

اس کی خاک تیرہ میں حیات کی تب و تاب نہیں : وہ ساحل پر کھڑا موج کی جولانیاں دیکھ رہا ہے۔

کیا بتخانہ اور کیا حرم ، سب کی آگ بجھ چکی ہے ؛ پیر مغاں کے سبو میں جو شراب ہے وہ بے اثر ہو چکی ہے۔

مغرب کا فکر ، مجاز کے سامنے سر بسجود ہے؛ وہ آنکھیں رکھتے ہوئے اندھا ہے اور یہ اندھا تماشائے رنگ و بو ہی میں مست ہے (حقیقت کی جستجو سے بیگانہ ہے)۔

مغرب ، آسمان سے بھی زیادہ تیزی سے اپنی جگہ بدلتا ہے (مغرب کے نت نئے نظریات کی طرف اشارہ ہے) اور موت سے زیادہ تباہی لاتا ہے؛ اس کے ہاتھ نے ہمارا دامن اس طرح چاک کیا ہے اب وہ رفو نہیں ہو سکتا۔

ہے یہ خاکی نہاد مگر اس کی عادتیں ساری بوڑھے آسمان کی سی ہیں؛ عیار، ناقابل اعتماد، بڑے فتنے پیدا کرنے والا اور پیچدہ خو ہے۔

مشرق تباہ حال ہے اور مغرب اس سے زیادہ تباہ حال ہے؛ ساری دنیا مردہ اور آپ کی جستجو کے ذوق سے ناآشنا ہے۔

اپنی محبت کی شراب پلائیں اور پھر سے بزم شبانہ آراستہ کریں؛ ہمیں ایک نگاہ محرمانہ سے اپنا مست بنا لیں (گھر یہ اجڑا ہے کہ تو رونق محفل نہ رہا -