آپ نے میرے دل بے قرار کو جو تسلی دی تھی ( کہ میں رگ جاں سے بھی قریب ہوں) اس سے اس کی بے قراری دور نہیں ہوئی۔

یہ کیا دل ہے کہ اس کا ایک ایک سانس محنت میں گزرتا ہے؛ کیونکہ وہ اپنے حالات پر پورا تصرف نہیں رکھتا۔

میں آپ کے ضمیر کے اندر آرام کر رہا تھا ، پھر آپ نے خود نمائی کے جوش میں اپنے اس چمکدار موتی کو کنارے پر پھینک دیا۔

چاند ستاروں کو آپ سے شکایت ہے، آپ نے بھی سنی ہو گی ؛ کہ آپ نے ہماری خاک تیرہ و تار میں اپنی (روح) کا شرارہ پھونک دیا۔

آپ کے تیر سے جو ہمارے سینے میں خلش پیدا ہوئی وہ غنیمت ہے؛ اگر (تیر کارگر ہوتا اور) شکار مر کر شکاری کے پاؤں میں گر جاتا ، تو وہ اسے نہ اٹھاتا (اس کی پرواہ نہ کرتا)۔