سارے جہان کی تمنا ایک حرف میں ادا کی جا سکتی ہے؛ مگر میں نے اپنی داستاں کو اس لیے طول دیا ہے کہ آپ کی حضوری سے زیادہ دیر تک لطف اندوز ہوتا رہوں۔

آپ نے اپنے مشتاقوں سے قوت گویائی صلب کر لی؛ مگر آپ کو شاید معلوم نہیں کہ محبت کی نگاہ بے زبان کو زبان عطا کر دیتی ہے۔

کہاں نوری جو پیغام رسائی کے سوا کچھ جانتے ہی نہیں؛ اور کہاں خاکی جو آسمان کو اپنی آغوش میں لے لیتے ہیں۔

اگر میرے وجود کی ترکیب میں سے ایک ذرّہ بھی کم ہو جائے ؛ تو میں اس قیمت پر حیات جاوداں لینے کے لیے بھی تیار نہیں۔

اے دریائے بے پایاں! میں تیری موجوں سے کشمکش کا خواہاں ہوں : نہ مجھے گوہر کی طلب ہے نہ ساحل کی۔

وہ معنی جو آپ نے میرے قلب پر شبنم کی مانند نازل فرمائے ہیں ان کے فیض سے میں نے عرض فغاں کی نئی دنیا پیدا کی ہے۔