کب تک آپ اپنے چہرہ ء جمال پر صبح و شام کا پردہ ڈالے رکھیں گے (کب تک حسن ذات پر صفات کے پردے پڑے رہیں گے)؛ پردہ ہٹائیے اور اپنے جلوہء ناتمام کو پوری طرح نمایاں کیجیے۔ ( پردہ چہرے سے اٹھا انجمن آرائی کر -

سوز و گداز ایسی حالت ہے کہ اگر آپ کے سامنے اس مقام کی مستی کا حال بیان کروں ؛ تو آپ بھی مجھے سے اس بادہ کے طلبگار ہوں۔

میں نے زندگی کا گیت گا کر آتش لالہ بھڑکا دی ہے؛ اب آپ اسے نم شبنم سے پرسکون کر دیں۔

عقل کتاب زندگی کے اوراق الٹتی رہی مگر اسے کچھ نہ ملا، عشق فورا زندگی کے معنی پا گیا ؛ اس عقلمند پرندے نے بچھے ہوئے دام (علائق دنیا) کے نیچے سے دانہ ء حقیقت اٹھا لیا۔

شاعر کہاں اور میں کاں یہ تو محض بہانہ ہے؛ میرا اصل مقصد بھٹکے ہوئے ناقہ کو دوبارہ قطار میں لانا ہے۔

وقت تو کھل کر بات کہنے کا ہے مگر میں نے اشا روں میں بات کی ہے؛ آپ ہی کہیں کہ ان ناپختہ ساتھیوں کا کیا کروں۔