ہم اپنے زمانے کے پھندے میں پھنسے ہوئے سانس گن رہے ہیں؛ سمندر کی طرح جوش و خروش دیکھاتے ہیں، مگر کناروں سے باہر نہیں جا سکے۔

اگرچہ سمندر کی سطوت سے کسی کو امان نہیں؛ مگر ہم صدف کے اندر پڑے ہوئے موتی کی طرح اپنی ذات کا تحفظ کیے ہوئے ہیں۔

ہماری طبیعت کے اندر جو جوہر نہاں ہے اس کے بارے میں صرّافوں سے نہ پوچھ؛ ہم خود ہی اس کی قیمت جانتے ہیں۔

ہماری خرابہ زمین سے کوئی خراج طلب نہیں کرتا؛ ہم فقیر راہ نشین ہیں اور آپ اپنے بادشاہ ہیں۔

ہمارے سینے کے اندر کوئی اور! حیرانی کی بات ہے؛ کیا خبر کہ آپ ہیں یا ہم خود اپنے آپ سے دو چار ہیں۔

آدم خاکی کی تقدیر سے پردہ ہٹائیے کہ ہم آپ کے راہگذر میں بیٹھے ہوئے اپنا انتظار کر رہے ہیں ۔ (خدا شناسی ہی سے انسان تعمیر شخصیت کے بلند ترین مقامات تک پہنچتا ہے۔ )