میں نے فغاں کے لیے لب نہیں کھولے کیونکہ فغاں اثر نہیں رکھتی ، غم دل نہ کہنا ہی بہتر ہے کیونکہ ہر شخص میں اس کی برداشت کا حوصلہ نہیں۔

کیا حرم اور کیا دیر ، ہر جگہ محبت کے چرچے ہیں، مگر بات یوں ہے کہ میرے اور آپ کے راز اور کوئی نہیں جانتا۔

یہ بات دیکھی نہیں جاتی کہ شرر ہمارے حہان کو ایک لمحہ دیکھتا ہے اور دوسرے لمحہ دیکھنے سے محروم ہو جاتا ہے (ہماری زندگی بھی شرر کی مانند عارضی ہے)۔

آپ میری آنکھوں کے راستے میرے دل میں بس گئے ، مگر آنکھوں سے اس طرح گزرے کہ نگاہ کو بھی خبر نہ ہوئی۔

ان جوہریوں میں سے کوئی بھی میرے نگینے (کی قیمت) تک نہ پہنچ سکا ، میں اسے آپ ہی کے سپرد کرتا ہوں کیونکہ اہل جہاں صاحب نظر نہیں۔

فرنگ نے ہمیں جو خرد کو چمکانے والی شراب کا پیالہ دیا ہے، ہے تو وہ آفتاب، مگر رات کی تاریکی کو دور نہیں کر سکتا۔