تو نے غیروں کی صحبت میں پے بہ پے جام لنڈھائے ، اور اپنے پیمانہ (ادراک ) کو دوسروں کی روشنی سے چمکانے کی کوشش کی۔

اب ساقیء خاور کے ہاتھ سے بھی ایک دو لالہ گوں جام پی لے؛ تاکہ تیری خاک سے پے بہ پے مستانہ نالے اٹھیں (ساقیء خاور شاید اپنے آپ کو کہا ہے)۔

وہ دل جو تب و تاب تمنّا سے آشنا ہو جائے ، وہ اپنے ہی شعلہ پر پے بہ پے پروانہ وار گرتا ہے۔

صبح کے آنسوؤں سے اپنی زندگی کی آبیاری کر؛ اگر تو اس میں پے بہ پے دانہ ہائے عشق نہ گرائے گا تو تیری کھیتی ویران ہو جائے گی۔

جام آگے بڑھا اور افرنگ کی بات چھوڑ؛ اس دنیا سے ہزاروں کاروان گزر چکے ہیں ( یہ بھی اب جانے والے ہیں)۔