اپنی نگاہ کو خورشید سحر کی مانند روشن کیا جا سکتا ہے، اور پھر اس کی مدد سے خاک سیاہ (دنیا) کو اللہ تعالے کے جمال کی جلوہ گاہ بنایا جا سکتا ہے۔

اپنی نگاہ کو نوک سوزن کی طرح تیز بنا لے، پھر اس کی مدد سے ہر آئینے کے اندر رستہ بنایا جا سکتا ہے۔

یہ گلشن (غلام ملک) جس میں مرغ چمن کے لیے نالہ و فغاں مشکل ہے، یہاں کلی کے چٹکنے کی آواز میں آہ کی جا سکتی ہے۔

اگر تیرے اندر دیکھنے کی تاب ہے تو دونوں جہانوں کو دیکھا جا سکتا ہے، پھر تیرے لیے نہ یہ دنیا پردہ ہے نہ دوسری دنیا۔

تو بچوں کی طرح درختوں کے نیچے کھڑا آشیانے کو دیکھ رہا ہے، ( درخت کے نیچے سے نکل) پرواز میں آ، مہر و ماہ کو بھی شکار کیا جا سکتا ہے،