تو جو علم سیکھتا ہے وہ نگاہ (محبت) کا اشتیاق نہیں رکھتا ، یہ راہ حیات کا تھکا ہوا راہی ہے، سرگرم سفر نہیں۔

آدم جس کا ضمیر دونوں جہان کی تزئین کرتا ہے، اس کا وجود لذت عشق سے ہے، لذت عشق کے بغیر وہ کچھ بھی نہیں۔

اگرچہ چاند کو بھی عشق ہی نے سرگرم سفر کیا ہے، مگر اس کے سینے میں وہ داغ نہیں جو جگر کو سوختہ کر دے۔

میں تو محبوب کے خوبصورت چہرے سے ذرا نظر نہیں ہٹاتا، مگر وہ تغافل میں اس قدر مست ہے کہ اسے ایک نگاہ کی بھی توفیق نہیں۔

اقبال نے معمول کے مطابق اچھا لباس پہنا اور دنیا کے کاموں میں مشغول رہا (لیکن اس کے باوجود وہ درویش ہے) پس سمجھ لے کہ درویشی کا تعلق فقیروں کی کلّاہ اور گدڑی سے نہیں۔