جوئے خوں: خون کا بہنا۔

گر تو علم کو محض جسمانی پرورش تک محدود رکھے گا تو وہ سانپ بن کر ڈس لے گا ؛ اگر تو علم کی وساطت سے باطن کو آراستہ کرے گا تو پھر وہ تیرا رفیق و مددگار ثابت ہو گا۔

ساز کا مغز خشک ہوتا ہے، اس کے تار اور ڈھانچہ سب خشک ہوتے ہیں پھر اس میں سے وہ نغمے کیسے برآمد ہوتے ہیں (جو محبوب حقیقی کی یاد تازہ کرتے ہیں)؟

مست چنگ و بے سرور: ساز کی آواز پر مست مگر بے سرور۔

جس طرح انجیر ہر پرندے کی مرغوب غذا نہیں، اسی طرح موسیقی کا معاملہ ہے، اس سے لطف وہی شخص حاصل کر سکتا ہے جو حقیقی ذوق کا مالک ہو۔

طبیب ہو یا تیماردار، ہر نا اہل شخص کا ہاتھ تجھے بیمار کر دے گا۔ ممتا یہی ہے جو حقیقی تیمارداری کی اہل ہے ، اسی کی جانب متوجہ ہو۔

(جہاد کی تعریف یہ ہے کہ) خدا کے بنائے ہؤے نقش کو اسی کے حکم کے مطابق مٹا دیا جائے۔ دوست کے آئنیے پر اسی کے دئیے ہؤے پتھر سے وار کیا جائے۔

نگاہ خاوراں مسحور غرب : مشرق کے باسیوں کی نظر مغرب کے جادو کے اثر میں۔

چاندی بظاہر چمکیلی، سفید اور نئی لگتی ہے ، جب کہ اس کے استعمال سے ہاتھ اور کپڑے سیاہ بھی ہو جاتے ہیں۔

صيد زبوں: لاچار قیدی۔

جو پرندہ ابھی ننھا سا ہو اور پروں سے بھی محروم ہو اس کے باوجود اڑنے کی کوشش کرے گا تو کوئی بھی تاک میں بیٹھی بلّی اسے یقینا دبوچ لے گی۔

تا کجا آويزش: کب تک جنگ (جاری رہی گی)۔

رات کی تاریکی میں دیکھا جائے تو کھرے کھوٹے کی تمیز نہیں کی جا سکتی؛ سونے کی حقیقت تو شب کی تاریکی میں نہیں دن کی روشنی میں ہی معلوم ہوتی ہے۔

سر آدم: آدمی کا راز۔

بظاہر انسان اس قدر کمزور ہے کہ ایک معمولی سا مچھر بھی اس کی بے بسی کا سبب بن سکتا ہے اور دم بھر کے لیے چین نہیں لینے دے گا، لیکن خدائے ذوالجلال نے باطنی سطح پر اس میں وہ صلاحیتیں پیدا کر دی ہیں کہ آسمانوں کی بلندیوں کو بھی چھو سکتا ہے۔

انسانیت کی حقیقت محض دیدار دوست ہے ، باقی سب کچھ محض تکلّف ہے اور دیدار سے یہ مراد ہے کہ محبوب حقیقی کے جمال سے آنکھوں میں روشنی آ جائے۔

بے معنی شے اور غلط کاریوں کو حقیقت کے جوہر سے تعبیر کرنے والی قومیں کبھی زندہ نہیں رہ سکتیں اور نہ ہی ترقی کے عمل سے گزر سکتی ہیں۔ اس کی مثال یہ ہے کہ ہر پتھر عود تصوّر کر لیا جائے تو یہ بصیرت کا نقص ہے۔

اس کا سبب یہ ہے کہ اب مسلمان سچائیوں اور حق پرستی سے محروم ہو گئے اور ان اہل حق کے لیے دل شکنی اور دکھ کا سبب بن گئے ہیں جنہوں نے ان کی راہنمائی کی اور اس عمل میں بے شمار مصائب سے دو چار ہؤے۔

مردان حق پر لازم ہے کہ عقل و دانش جو عملی سطح پر وہم و گمان سے ہم آہنگ ہیں انہیں لوگوں میں تقسیم کریں اور حیرانی ان کے عوض حاصل کریں جو عشق اور معرفت کی مظہر ہے۔ یہی وہ عمل ہے جس سے مردان حق اس جہان ‍ عارضی میں کامران و بامراد ہو سکتے ہیں۔

گليم: گدڑی۔ نديم: ہم مجلس۔

شاہوں اور امرا کے درباروں میں اعزاز حاصل کرنے سے کہیں بہتر ہے کہ تو کسی مردحق اور روشن ضمیر سے اکتساب فیض کرے (شاہوں کے دربار خوشامدی اور منافقوں کی آماجگاہ ہوتے ہیں۔

(شاہین اور کوّے میں بال و پر کی قدر مشترک ہے، لیکن) پر بازوں کو بادشاہوں کی طرف لے جاتے ہیں اور کوّے کو مردار گاہ کی طرف لے جاتے ہیں۔

اسلام کے مطابق نہ تو شاہی اور غیر ضروری شان و شوکت قابل قدر ہے نہ ہی یہ کہ انسان دنیا ترک کر کے پہاڑوں اور غاروں میں پناہ گزیں ہو جائے۔

آب و گل: پانی اور مٹی مراد ہے جسم۔

اللہ کا بندہ بن اور زمین پر گھوڑے کی طرح چل ؛ اس طرح نہ بن جیسے اوروں نے جنازہ کندھوں پر اٹھایا ہو۔

ادراک: سمجھ، فہم۔

تو خود قیامت بن جا (اپنے اندر انقلاب لے آ) اور پھر اپنے آپ کو دیکھ ، تجھے قیامت کا یقین آ جائے گا۔

نخچيروں: شکاروں۔ صيد: شکاری۔ داغ داغ: پریشان حال، مصیبت زدہ۔

اگر شکار کے لائق کائنات میں کوئی شے ہے تو وہ عشق حقیقی ہے، لیکن امر واقع یہ ہے کہ عشق حقیقی تو ہر حال میں کسی کی بھی پہنچ سے باہر ہے وہ کس طرح کسی کے جال میں سما سکتا ہے۔

ضمير کائنات: کائنات کا دل یعنی حقیقت۔

اگر تیری ہیت دانے کی مانند ہو تو ظاہر ہے اسے پرندے کب چھوڑیں گے، کلی کی شکل اختیار کر لے تو بچے تجھے نوچ لیں گے۔ دانہ بن کر (زمین) میں چھپ کر دام بن جا ؛ پھول بننا ہے تو کسی اونچی چھت کے پودے پر کھل۔ (اپنا بسیرا کسی ایسی بلندی پر استوار کر جو دوسروں کی دسترس سے باہر ہو۔)

طالب دل باش و در پيکار باش: دل کا طالب ہو اور (اس راہ کی مشکلات سے ) بر سر پیکار رہ۔

مانا کہ تیرے سینے میں بھی دل موجود ہے لیکن اس حقیقت کو جان لے کہ دل محض گوشت کے ٹکڑے کو نہیں کہتے جو ہر انسان کے پہلو میں دھڑکتا رہتا ہے۔ جب کہ حقیقت یہ ہے کہ دل کا حقیقی مقام عرش معلّی ہے نہ کہ وہ پستی میں رہتا ہے۔ (با الفاظ دیگر دل کا تعلق تو بالواستہ طور پر رب العزت سے ہے نہ کہ اس عالم فانی سے!) جہاں تک میرے قول کا تعلق ہے تو نے اسے غلط سمجھا ہے اور اسی پس منظر میں اپنے دل کو تلاش کر! المیہ یہ ہے کہ تو نے وہ تلاش ترک کر دی ہے۔

ابلہ: بیوقوف۔

(پہلے یہ امر ذہن نشین کر لے کہ) جو شخص آسمانوں پر بے تکلّف پرواز کرتا ہے اس کے لیے زمین پر چلنا کیسے مشکل ہو سکتا ہے۔

علم ، حکمت، سوز و گداز اور عشق عملا حلال کی روزی کمانے کے عمل سے حاصل ہو سکتے ہیں۔ جان لے! کسب حلال کرنے والا شخص ان نعمتوں کا سزاوار ہے۔

اس حقیقت کو جان لے! کہ خلوت اور گوشہ گیری غیروں سے چاہیے نہ کہ اپنوں سے؛ پھر پوستین موسم سرما کا لباس ہے نہ کہ موسم بہار کا؟

تيرہ روز: تاریک دن۔

مردان حق کی صفت یہ ہے کہ لوگوں میں ایمان کی روشنی اور عشق کا سوز و گداز پیدا کریں جب کہ کم ظرف لوگ فطرتا بہانہ جوئی اور بے غیرتی کے حامل رہیں گے۔