میں نے سنا ایک ستارہ دوسرے سے کہہ رہا تھا کہ ہم ایسے سمندر میں ہیں جس کا کوئی ساحل نہیں۔ ہماری سرشت میں سفر ہے، مگر اس قافلہ کی منزل کوئی نہیں۔

اگر ستارہ نے وہی رہنا ہے جو وہ تھا، پھر اس مسلسل چمک سے کیا حاصل؟ ہم زمانے کی کمند میں گرفتار ہیں، کیا خوش نصیب ہے وہ، جو وجود نہیں رکھتا۔

کسی نے اس بار گراں کو نہیں اٹھایا، ہماری ہستی ہمیشہ کی نیستی سے بہتر ہے۔ ہمیں یہ نیلگوں فضا راس نہیں ، اس بلندی سے تو دنیا کی پستی بہتر ہے۔

خوش نصیب ہے وہ انسان جو بے قرار جان رکھتا ہے، زمانے کے رخش پر سوار ہے۔ ایسے ہی شخص کی قامت پر زندگی کی قبا موزوں ہے (وہ زندگی کا حق ادا کرتا ہے)، کیونکہ وہ نئی دریافتیں کرتا ہے۔