ہماری ہستی، ہمارا نظام؛ ہماری مستی، ہمارا خرام ؛ ہماری گردش بے مقام، ہ ماری زندگیء دوام۔ ہماری خاطر دور فلک ، (سب کچھ) دیکھتے چلے جا رہے ہیں۔

جلوہ گہء شہود (دنیا) کو؛ اس بتکدہ ء نمود (دنیا) کو؛ رزم نبود و بود کو؛ کشمکش وجود کو۔ عالم دیر و زود کو، دیکھتے چلے جا رہے ہیں۔

کارزار کی گرمیاں ؛ پختہ کاروں کی کامیابیاں ؛ تاج و تخت و پھانسیاں؛ شہریاروں کی خواریاں۔ زمانے کے کھیل، (سب کچھ) دیکھتے چلے جا رہے ہیں۔

خواجہ کی خواجگی گئی؛ بندے کی چاکری گئی؛ زاری و قیصری گئی؛ شان سکندری گئی۔ رسم بت گری گئی، (سب کچھ) دیکھتے چلے جا رہے ہیں۔

انسان خاموش بھی اور (جوش و ) خروش میں بھی، کمزور بدن مگر سخت محنتی، کبھی عیش و عشرت میں ، کبھی کندھوں پر جنازہ اٹھائے ۔ حکمران و غلام (سب کچھ) دیکھتے چلے جا رہے ہیں۔

تو 'کیسے' اور 'کتنے' کے جادو میں گرفتار ہے؛ تیری زار و زبون و دردمند عقل؛ کمند میں گرفتار ہرن کی مانند حالات کے بند کھولنے میں لگی رہتی ہے۔ اپنے ہی نشیمن بلند سے، (سب کچھ) دیکھتے چلے جا رہے ہیں۔

(حقیقت کا) پردہ ہے کیوں؟ ظہور کیا؟ اصل سیاہ و نور ہے کیا؟ چشم و دل و شعور ہے کیا؟ (انسان کی) فطرت نا صبور ہے کیا؟ یہ سب نزد و دور ہے کیا؟ دیکھتے چلے جا رہے ہیں۔

جسے تو زیادہ مدت سمجھتا ہے، وہ ہمارے ہاں کم ہے؛ تیرے سال ہمارے لیے ایک لمحہ ہیں؛ تیرے پہلو میں (دل کا) سمندر موجود ہے؛ مگر تو شبنم (دنیا ) پر راضی ہو گیا ہے۔ ہم (ایک اور) عالم کی تلاش میں (سب کچھ) دیکھتے چلے جا رہے ہیں۔