ایک شوخ بچہء ماہی نے شاہین بچہ سے کہا؛ تو یہ جو سلسلہ ء موج دیکھتا ہے، یہ سارا دریا ہے۔

اس میں ایسے نہنگ ہوتے ہیں جو بادلوں سے بڑھ کر گرج رکھتے ہیں؛ علاوہ ازیں اس کے سینے میں کئی دیکھی ان دیکھی بلائیں ہیں۔

اس کے اندر ایسے سیلاب اٹھتے ہیں جو بھاری بھر کم پتھر ساتھ لاتے ہیں اور زمین پر تیزی سے پھسل جاتے ہیں؛ اس کے اندر چمکدار گوہر اور قیمتی موتی پائے جاتے ہیں۔

اس کے ہمہ گیر محیط سے باہر نہیں نکلا جا سکتا؛ یہ ہمارے اوپر، نیچے ، ہر طرف پھیلا ہوا ہے۔

یہ ہر لحظہ جواں ہے، رواں ہے، بڑھ رہا ہے ؛ گردش ایام سے نہ اس میں کمی ہوتی ہے نہ زیادتی۔

بچہء ماہی نے اتنے جوش سے بات کی کہ اس کا چہرہ سرخ ہو گیا؛ شاہین بچہ مسکرایا؛ اس نے ساحل سے ہوا میں اڑان بھر لی۔

(پھر فضا سے) آواز دی کہ میں شاہین ہوں زمین سے میرا کیا کام ؛ صحرا ہو کہ دریا ، سب ہمارے بال و پر کے نیچے ہیں ۔

پانی سے نکل کر ہوا کی وسعت میں آ؛ اس نکتہ کو وہی آنکھ دیکھ سکتی ہے جو بینا ہو۔