جب بہار نے باغ میں بزم سرود سجائی، تو بلبل شوریدہ (سر گرم فغان ہوئی اور اس) کی آواز نے کلی کی آنکھ کھول دی (ہر طرف پھول کھلنے لگے)۔

یہ گمان نہ کر کہ ہماری مٹی کو روز ازل گوندھ دیا گیا تھا، ہم ابھی تک ضمیر فطرت میں تخیّل ہیں (ہماری تکمیل ہونا باقی ہے)۔

علم پر مغرور نہ ہو، مئے کشی (معاملات عشق کو سمجھنا اور سمجھانا) کا کام اور ہے، فقیحہ شہر (اس کام میں پڑا ، تو اس) نے اپنا گریبان اور دامن آلودہ کر لیا۔

بہار نے صرف منتشر پتّوں کو باہم پیوستہ کیا، یہ ہماری نگاہ ہے جس نے گل لالہ پر رنگ اور آب و تاب کا اضافہ کیا۔

اپنے آپ پر نظر رکھنے والے کی پہچان یہ ہے، کہ پھر وہ غائب و موجود کی بات نہیں کرتا ( اس کے لیے غائب و موجود میں فرق نہیں رہ جاتا)۔

رات ایک پیر زندہ دل نے مئے کدہ میں کیا خوب کہا، ہر عہد میں خلیل بھی ہے اور آتش نمرود بھی۔

میں نے بارگاہ حیات میں کیا کیا نقوش تخلیق نہیں کئے، مگر (اس کے باوجود ) نشانات ( جو مٹ جانے چاہئیں تھے ) نہیں مٹے اور کتنے کام جو ہونے چاہئیں تھے، نہیں ہوئے۔

اہل دیر سے نرمی سے بات کر کیونکہ عشق غیّور نے، محمود (جیسے بت شکن) کے دل میں بت کدہ کی بنیاد ڈال دی تھی۔

ہند کی خاک میں (کیا گیت) کی آواز بے اثر ہے، (کیونکہ) نغمہء داؤد (علیہ) بھی مردہ کو زندہ نہیں کر سکتا۔