اپنی خاک کے اندر سے وہ جلوہ پیدا کر جو نظر نہیں آتا ، دوسرے کی تجلّی اس لائق نہیں کہ اس کا تقا ضا کیا جائے۔

میں نظیری کے اس مصرعے کو سلطنت جم کے عوض بھی نہ دوں ، 'وہ شخص جس نے جان قربان نہیں کی وہ ہمارے قبیلہ میں سے نہیں'۔

اگرچہ جادو پیشہ عقل نے بھی لشکر تیار کیا ہوا ہے، مگر تو آزردہ خاطر نہ ہو، کیونکہ عشق بھی اکیلا نہیں۔

تو 'راہ' کو نہیں پہچانتا اور نہ 'مقام' کی خبر رکھتا ہے، ورنہ وہ کون سا نغمہ ہے جو بربط سلیمہ میں نہیں ( وہ کون سی بات ہے جو اسلام میں نہیں)۔

میں اپنے آپ میں اس طرح محو ہوں کہ دوست کا جلوہ سارے جہاں پر چھا گیا ہے، لیکن مجھے ادھر دیکھنے کی فرصت ہی نہیں ۔

اٹھ کہ شہر دل براں میں ہنگامہ بپا کر دیں ، زندہ دلوں کا جنوں صحرا میں آوارہ گرد نہیں رہتا۔

نہنگوں کے شکار اور انہیں قید کرنے کی بات کر، یہ مت کہہ کہ ہماری کشتی دریا سے روشناس نہیں۔

میں اس مسافر کی ہمت کو خراج عقیدت پیش کرتا ہوں جس نے اس راہ میں قدم نہ رکھا، جہاں کوئی بیابان ، پہاڑ یا دریا نہیں (مشکلات نہیں)۔

شراب نوشی کرنے والے درندوں کے حلقہ میں شامل ہو جا، ایسے پیر کی بیعت نہ کر جو ہنگامہ آرا نہ ہو،

بیان کا کمال یہ ہےکہ فاش انداز میں بات کی جائے، اہل خلوت صرف رمز اور اشارے سے اپنا مطلب بیان کر جاتے ہیں۔