اپنی کرشمہ ساز آنکھ کم سرمہ سے پھر تیز کر؛ اور (اس طرح) غزل سرائی کے ذوق میں جنوں ملا کر دو چند کر دے۔

نئی قسم کا نقش ثبت کر، پختہ تر آدم لا؛ مٹی کی گڑیا بنانا خدا کو زیب نہیں دیتا۔

قصّہء دل بیان نہیں کیا جا سکتا ؛ درد جگر چھپا کر رکھنے والی چیز ہے؛ اے خلوت میں رہنے والو! میں لذت فغاں کا کیا کروں۔ (یہ مجھے نالہ و فریاد پر مجبور کرتی ہے)

کہاں ہے ایسی آہ جو اندر کو جلا دے؟ میں عقل گرہ کشا کے شیشے کو سنگ پر مارتا (اور چور چور کرتا) ہوں۔

باغ و راغ میں مجلس آراستہ کر ، تار چنگ کو مضراب سے چھیڑ؛ شراب پی ، غزل گا اور قبا کے بند کھول دے۔

پو پھٹی ، کاروان نے نماز ادا کی اور رخت سفر باندھا؛ مگر تو نے شاید درا کا زمزمہ نہیں سنا۔

نہ میں پادشاہوں کے ناز اٹھاتا ہوں ، نہ میں ان کے زخم کھاتا ہوں؛ اے ہوس فریب ! مجھ گدا کی ہمت دیکھ۔