میں اس ماہ کامل کے جلوے کی حسرت رکھتا ہوں؛ ہاتھ سینے پر رکھے نظر بام پر لگائے (انتظار میں ہوں)۔

حسن کہتا تھا کہ میری سحر، شام قبول نہیں کرتی (میں لازوال ہوں) ؛ عشق کہتا تھا میری تب و تاب لا یزال (دائمی) ہے۔

نہ میں آج کا اسیر ہوں نہ کل کا؛ نہ میں نشیب و فراز رکھتا ہوں، نہ کوئی منزل۔

میں بادہء راز ہوں اور ہم پیالہ ڈھوندتا ہوں؛ خرابات مغاں میں اپنا جام گردش میں رکھتا ہوں (تاکہ کوئی ساتھی مل جائے)۔

میری شوریدہ نوا سے عدم توجہی اختیار نہ کر؛ مرغ لاہوت ہوں اور دوست سے پیغام لے کے آیا ہوں۔

میں نے اپنے تئیں پردے میں رکھا ہوا ہے، کناتہ بات کرتا ہوں ؛ تیغ خون ریز ہوں، مگر اپنے آپ کو نیام میں رکھتا ہوں ۔