تیرے بغیر خواب عدم سے آنکھ کھولی نہیں جا سکتی ، نہ تیرے بغیر ہمارا کوئی وجود ہے، البتہ تو ساتھ ہو تو ہمیں کوئی فنا نہیں۔

ہمارا دل دنیا میں ہے یا جہان ہمارے دل میں ہے، منہ بند رکھ کیونکہ یہ عقدہ حل نہیں کیا جا سکتا۔

دوستوں کے دل میری پریشاں نواؤں سے جل گئے، اور میں اس نغمہ سے جل رہا ہوں جو گایا نہیں جا سکتا۔

اے صبا! ذر ا سی شبنم ٹپکانے سے کیا ہوتا ہے، اس طرح جگر لالہ کی تب و تاب کو زائل نہیں کیا جا سکتا۔

اللہ تعالے سے دل لگا اور پادشاہوں سے مطلب براری کی خواہش نہ رکھ، اس بتکدہ کے دروازے پر ماتھا نہیں رگڑا جا سکتا۔