یہ نیلے رنگ کا گنبد، (آسمان) یہ پستی اور بلندی، یہ سب اپنی وسعت کے باوجود عاشق کے دل (ضمیر) میں سما جاتے ہیں۔

کیا تُو ازل کے راز کی تلاش کرتا ھے؟ ( اے ابنِ آدم یہ راز تیرے اپنے اندر پوشیدہ ھے ) تُو اپنے آپ پر نظر کھول دے۔ ( اے ابنِ آدم یہ راز کتابوں میں نہ تلاش کر بلکہ حجازی فقر سے سیکھ تا کہ تُجھے معلوم ھو جائے کہ ) تُو وحدت بھی ھے، کثرت بھی ھے، چُھپا ھوا بھی ھے، ظاہر بھی ھے۔

اے میری گرفتار جان کیا تُو نے دیکھا، کہ مُحبت کیا ھے؟ مُحبت سینے میں نہیں سماتی، آنکھوں کے راستے باہر آ رہی ھے۔

اے ابنِ آدم اُٹھ کہ موسمِ بہار نے پُھولوں کے چراغ روشن کیئے ہیں۔ اے ابنِ آدم اُٹھ اور صحرا کے لالہ ( حجازی فقر ) کے پاس ایک لمحہ کے لیئے بیٹھ۔

عشق کے پاس ہزاروں جادو ہیں، حسن کے پاس ہزاروں قواعد، نہ میں شمار میں آتا ھوں نہ تُو شمار میں آتا ھے۔

سو راستوں سے آسمان پر چڑھتا ھے، سو راستوں سے زمین پر گرتا ھے، خاقانی اور فغفوری نظام، جمشیدی اور دارائی نظام

اپنے ساتھ بھی اور اس کے ساتھ بھی، یہ ہجر ھے یا کہ وصال؟ اے عقل تُو کیا کہتی ھے، اے عشق تُو کیا فرماتا ھے۔