لیلی (محبوب) کی منزل کی خواہش نہ تو رکھتا ہے نہ میں، گرمی صحرا برداشت کرنے کی ہمت نہ تو رکھتا ہے نہ میں۔

میں جوان ساقی ہوں اور تو میکدہء (تصوّف) کا پیر کہن ، بزم پیاسی ہے لیکن شراب نہ تیرے پاس ہے نہ میرے پاس۔

ہم نے دل و دین کو عجمی محبوبوں کی محبت میں رہن رکھ دیا ہے ، سلیمی (عربی محبوب ) کے شوق کی آگ نہ تو رکھتا ہے نہ میں (ہم سب عجمی افکار کے دلدادہ بن چکے ہیں)۔

وہ سنگریزے تھے جو ہم نے ساحل دریا سے چنے ، گوہر یکتا نہ تیرے پاس ہے نہ میرے پاس۔

اب یوسف گم گشتہ کی بات نہیں کی جا سکتی، کیونکہ خون زلیخا کی تپش نہ مجھ میں ہے نہ تجھ میں۔

بہتر ہے کہ ہم دامن کے نیچے چھپے ہوئے چراغ کی روشنی پر اکتفا کریں، کیونکہ تجلّیء (وادیء) سینا برداشت کرنے کی طاقت نہ تو رکھتا ہے نہ میں۔