نہ آپ حرم میں سماتے ہیں ، نہ بتخانہ میں آتے ہیں، لیکن اپنے چاہنے والوں کی جانب کس شوق سے بڑھتے ہیں۔ (حدیث قدسی ہے اللہ تعالے فرماتے ہیں میں آسمان اور زمین میں نہیں سماتا مگر مومن کے قلب میں سما جاتا ہوں؛ جو میری طرف ایک قدم بڑھاتا ہے، میں اس کی طرف دس قدم بڑھاتا ہوں)۔

اپنے چاہنے والوں کے حریم جاں میں بیباکی سے قدم رکھیئے ، آپ اس دل کے مالک ہیں، چھپ چھپ کے کیوں آتے ہیں۔

کبھی آپ تسبیح خوانوں کا (حاصل کیا سرمایہ ء حیات غارت کر دیتے ہیں ، اور کبھی زنّاریوں کے دل پر بیباکانہ شبخون مارتے ہیں۔

کبھی آپ سو لشکر کھڑے کر دیتے ہیں تاکہ اپنے دوستوں کا خون بہائیں ، اور ابھی (ذکر کی) مجلس میں جہاں شیشہ و پیمانہ چل رہا ہوتا ہے، آ جاتے ہیں۔

آپ کلیم (علیہ) کے نخل پر بیدریغ شعلہ گرا دیتے ہیں ، مگر شمع یتیم (صلعم) پر پروانے کی مانند بار بار آتے ہیں۔

اقبال آ ، اور خودی کے میخانہ سے ایک جام نوش کر، کیونکہ تو مغرب کے شراب خانہ سے اس طرح آیا ہے کہ اپنے آپ کو بھول چکا ہے۔