آئینہ کی مانند دوسروں کے حسن میں محو نہ ہو، دوسروں کا خیال اپنے دیدہ و دل سے نکال دے۔ (نہ کسی کی طرف نظر اٹھا کے دیکھ، نہ کسی کو اپنے دل میں جگہ دے۔)

اے وہ شخص ! جس نے دوسروں کے درخت پر آشیانہ بنا رکھا ہے، حرم کے پرندوں کی فغاں سے اثر پذیر ہو اور اپنے آپ کو اس سے جلا دے۔

دنیا میں اپنے بال و پر کھولنا سیکھ، دوسروں کے بال و پر سے اڑا نہیں جا سکتا۔

میں مرد آزاد ہوں اور اتنا غیور ہوں کہ مجھے دوسروں کا ایک جام (شراب) صافی دے کر ختم کیا جا سکتا ہے۔ (کسی کا احسان اٹھانا میری موت ہے۔)

اے وہ ذات! جو ہماری رگ و جان سے قریب تر ہے، مگر ہماری نگاہ سے اوجھل ہے، مجھے آپ کا ہجر دوسروں کے وصل سے زیادہ پیارا ہے۔