آقا تبھی ہے جب کوئی اس کی چاکری کرنے والا غلام ہو، غلام اسی صورت میں غلام ہے ، جب کوئی آقا اس کا خریدار ہو۔

اگرچہ واعظ کے بیان میں طور اور کلیم (علیہ ) کا ذکر ہے، مگر اس کی گفتار کے شیشے میں اس جلوہ (ء طور) کی چمک نہیں۔

ہمارے پیر نے مصلحت سے مجاز کی طرف رخ کیا ہوا ہے، ورنہ (در اصل ) اسے حسینوں سے کوئی سروکار نہیں۔

ان خرقہ فروشوں سے دور رہ اور ایسے غزال کو مقصود بنا جو تاتار سے ہو، اس غزال کے شکار کا (خواہشمند) نہ ہو جو تاتار سے نہیں ( جو مشک نافہ نہیں رکھتا)۔

میرے بربط (ساز ) سے عافیت کا نغمہ طلب کرتا ہے، میں کہاں سے وہ نغمہ پیدا کروں جو اس کے تار میں نہیں۔

میرے دل نے قشقہ لگایا اور برہمنی اختیار کی، لیکن یہ کام اس طرح کیا جو زنّار کے شان شایان نہیں۔

عشق مے خانے کی مجلس میں گفتار میں آیا، کیونکہ اسے دیر و حرم میں کوئی محرم راز نہ ملا۔