خدا کرے کہ سارے کا سارا عرب میرے خون ملے آنسوؤں سے لالہ زار ہو جائے ، اور عجم کے لیے، جو اپنی خوشبو کھو چکا ہے میری نوا (نئی) بہار ثابت ہو۔

تپش ہی زندگانی ہے ، تپش ہی جاودانی ہے، خدا کرے کہ میرے بدن کا ہر ذرہ دل بیقرار بن جائے۔

نہ اسے کسی راستے میں قرار آتا ہے، نہ یہ کسی منزل پر ٹھہرتا ہے، میرا دل ، میرا مسافر، خدا اس کا مدد گار ہو!

اس خرد سے بچ جو مایوسی کا نقش بناتی ہے، اور اپنے ساز سے جس کے تار ٹوٹے ہوئے ہیں ، ہمارا دل لبھا لیتی ہے۔

تو ایسا جوان ہے جس کا سوز خام ہے اور میرا سخن سر تا پا سوز ہے، خدا کرے کہ جو غزل میں گا رہا ہوں وہ تیرے لیے سازگار ثابت ہو۔

اگر تو میرے دل میں آئے تو یہاں کوئی آرزو نہ دیکھے گا، مگر یہ کہ تیری (محبت کی) شبنم لامحدود سمندر بن جائے۔

خدا کرے تیری جان کو ایک لمحہ کا قرار نصیب نہ ہو، اور تو زندگی کی تب و تاب سے آشنا ہو جائے۔