تجھ پر افسوس کہ تو نے نئے بت تراش لیے ہیں ، مگر (کان) دل کی کھودائی نہ کی۔

تجھ پر افسوس کہ تو فرنگ کے (افکار کی) حرارت سے اس طرح پگھل چکا ہے ، کہ خود اپنی نظر میں گر گیا ہے (احساس کمتری کا شکار ہو چکا ہے)۔

تجھ پر افسوس کہ اس کوچہ (ء فرنگ) میں جو خاک کو بلند قیمت عطا کرتا ہے، تو نے نیم غمزہ قیمت بھی نہیں پائی (تو فرنگیوں کے بازار میں سستا ہی بک گیا)۔

میں مانتا ہوں کہ تو نے عقل کی ساری کتاب پڑھ لی ہے، مگر افسوس کہ تو نے محبت و شوق کی بات نہیں سمجھی۔

تو نے کعبہ کا طواف بھی کیا ، دیر (بتخانہ) کے گرد بھی پھرا، مگر افسوس کہ تو نے اپنے آپ پر نگاہ نہ ڈالی۔