ایک رات میں اپنے فکر کے ناخن سے اس جرمن فلسفی (ہیگل) کے عقدے کھول رہا تھا۔

وہ جس کے فکر نے آنی (وقت) کے لباس سے ابدی کو نمودار کیا۔

اس کے خیال کے میدان (کی وسعت) کے زمانے بھی اپنی تنگ دامانی کے سبب شرمندہ ہے۔

جب میں اس کے دریا (فکر) کے اندر داخل ہوا ، تو میری عقل کی کشتی طوفانی لہروں کی نظر ہو گئی۔

مجھ پر نیند نے اپنا افسوں پھینکا اور میں نے باقی اور فانی سے آنکھ بند کر لی۔

(خواب میں) میری شوق کی نگاہ اور زیادہ تیز ہو گئی اور پیر ربانی (رومی) ظاہر ہوئے۔

ایک آفتاب تھا ، جس کی تجلی سے روم اور شام کا افق نورانی ہو گیا ۔

رومی کا شعلہ اس تاریک فطرت دنیا کے اندر یوں (روشن) ہے، جیسے بیابان کے اندر درویش کا چراغ۔

اس کے الفاظ سے معنی اس طرح پھوٹتے ہیں ، جیسے باغ کے اندر خونیں لالہ کے پھول۔

انہوں نے مجھ سے کہا: کیا سویا پڑا ہے ، اٹھ! (اور دیکھ کہ) تو سراب کے اندر اپنی کشتی چلا رہا ہے۔

'خرد کے ذریعے عشق کی راہ طے کرتا ہے؟ چراغ لے کر آفتاب ڈھوندتا ہے؟'