مجھے وہ دن یاد ہیں جب میں میخانہء فرنگستان میں تھا، وہاں کے جام ، آئینہء سکندر سے بھی زیادہ چمکدار ہیں۔

مے فروش کی چشم مست شراب کی پروردگار ہے، (شراب میں نشہ پیدا کرتی ہے) اور ساقی کی نگاہ بادہ نوشوں کے لیے پیغامبر ہے (مے فروش ان کا رب ہے اور ساقی ان کا پیغامبر )۔

مگر (وہاں) کا جلوہ بغیر کلیم (علیہ) کے ہے اور شعلہ بغیر خلیل (علیہ) کے، ان کی لا پروا عقل متاع عشق کو برباد کر دیتی ہے۔

وہاں کی ہوا میں کسی آہ بیتاب کی گرمی نہیں، نہ اس شراب خانہ کا رند کوئی لغزش مستانہ رکھتا ہے۔