مدت گزر گئی کہ انسان اس سارے کہن (دنیا) میں، چکی کے پاٹ تلے پسنے والے دانے کی مانند ہے۔

اس نے زار کا فریب کھایا ہے، وہ قیصر کے جادو سے مشہور ہوا ہے، وہ کلیسا کے دام میں بھی گرفتار رہا ہے۔

تو نے دیکھا کہ بالآخر بھوکے غلام نے ، آقا کی وہ قمیص پھاڑ دی جو ہمارے خون سے رنگیں تھی۔

آتش جمہور کی چنگاری نے سارا پرانا (ساز و) سامان جلا دیا، پیر کلیسا کی چادر بھی جلا دی اور سلطان کی قبا بھی۔

محبوب کے ناز و ادا کا کو ئی گناہ نہیں، برہمن کی سرشت ہی میں (بتوں کا طواف) موجود ہے۔

وہ ہر دم ایک نیا آقا تراشتا ہے، کیونکہ پرانے خداؤں سے بیزار ہو جاتا ہے۔

رہزنوں کے ظلم کی بات نہ کر ، کیونکہ یہ مسافر خود اپنے سامان کا رہزن ہے۔

اگر جمہور خسرو کا تاج پہن لیں ، تو پھر بھی انجمن میں وہی ہنگامے رہیں گے (عوامی لیڈر بھی وہی کام کریں گے جو بادشاہ کرتے ہیں)۔

آدم کے دل سے ہوس (اقتدار اور دولت) نہیں مرتی، اس آتشدان میں یہی آگ ہمیشہ جلتی رہے گی۔

جادو کا فن رکھنے والی عروس اقتدار کی زلف پر شکن کا جال بدستور رہے گا۔

شیریں کے ناز و ادا بغیر خریدار کے نہیں رہیں گے، خسرو نہ ہوا ، تو کوہکن سہی۔