ہمارے بدن کی مشت غبار سے (آپ کے فراق میں ) صدہا نالے اٹھتے ہیں؛ کیونکہ آپ میری رگ جان سے قریب تر ہوتے ہوئے بھی مجھ سے دور رہتے ہیں ۔

کبھی آپ موج صبا میں چپکے سے باغ میں آ جاتے ہیں ؛ کبھی آپ پھول کی مہک میں ملے ہوتے ہیں کبھی غنچے کو کھلا رہے ہوتے ہیں۔

مغرب آپ سے نا آشنا ہے۔ مشرق میں صرف آپ کے قصّے کہانیاں ہیں ( حقیقت سے وہ بھی نا واقف ہے) ؛ اب ضرورت ہے کہ آپ دنیا میں نئے نقش سے جلوہ گر ہوں۔

جس شخص کے سر میں جہان پر حکومت جمانے کا سودا سمایا ہو؛ اس کے جنون کا علاج نشتر چنگیز سے کریں (چنگیز نے بہت سی سلطنتوں کو تہ و بالا کر دیا تھا)۔

میں لا ابالی بندہ ہوں، کہیں پھر بھاگ نہ جاؤں؛ اپنی زلف پیچاں کو میری گردن میں ڈال کر ہمیشہ کے لیے اپنا بنا لیں۔

میں تو نالہ و فریاد کے سوا اور کچھ نہیں جانتا، لوگ کہتے ہیں میں غزل خواں ہوں؛ یہ شبنم کی طرح کی چیز کیا ہے، جو آپ میرے سینے پر نازل فرما رہے ہیں (سکینت کو شبنم کہا ہے)۔